సొంతిల్లు...

ఒక పెద్దాయన అన్నాడు "మూర్ఖులు ఇల్లు కడతారు, తెలివైన వాళ్ళు అందులో నివాసం వుంటారు" అని. నీ దగ్గర లేని 50 లక్చలు పెట్టి ఆ ఇల్లు కొనే బదులు. అదే డబ్బు పొదుపు చేసుకొని మంచి పథకం లో పెట్టుబడి పెట్టుకుంటే 40 వేల దాకా వస్తుంది. ఒక పది వేలకు ఒక మంచి ఇంట్లో అద్దెకు వుండి. మిగిలిన డబ్బుతో కుటుంబం అంతా ఒక విలాసవంతైన జీవితాన్ని గడపోచ్చు. 6 నెలలకు ఒక సారి దేశ విదేశ యాత్రలకు కూడా వెళ్లొచ్చు (http://www.yhaindia.org/). 

 రోజూ బడికి ప్రమాదకరమైన రహదారుల్లో బైక్ మీద వెళ్ళడం కంటే కార్ లో వెళ్ళడం ఎంతో వుత్తమం. నువ్వు లేని ఎంత మంచి ఇళ్లైన, నీ పిల్లలకు, నీ అర్థాంగికి ఏం ప్రయోజనం? చాలీ చాలని బతుకులు బతికింది ఇక చాలు. అందరిలాగా లేని డబ్బుతో ఆస్తులు కూడగట్టుకునే క్రమంలో నువ్వు ఏం కోల్పోవడానికి సిద్దమయ్యావో నీకు తెలియట్లేదు. EMI (నెలసరి కంతులు) లో నీ జీవితాన్ని తాకట్టు పెట్టొద్దు. 

 మీ నాన్న నీకు ఏం ఆస్తులు మిగిల్చి వెళ్ళాడు? మీరు నెగ్గుకు రాలా? కని, పెంచిన పిల్లల పై, వారి సామర్థ్యం పై నమ్మకం లేని తల్లిదండ్రులే ఇలా వెంపర్లాడేది. పిల్లల భవిష్యత్తు కోసం ఆరాట పడుతున్నాం అని చాలా మంది తల్లిదండ్రులు అంటుంటారు. అదంతా భూటకం. వాళ్ళల్లో వుండే ప్రోగుచేసుకునే గుణం వల్ల చచ్చే దాకా అలా చేస్తూనే వుంటారు. నువ్వే నిర్ణయించుకొ ఎలుక ఎలాగైతే జీవితమంతా ఆహారాన్ని నిల్వ చేసుకుంటూ, నిల్వ చేసిన ప్రదేశాన్ని మరచిపోతూ మళ్ళీ నిల్వ చేసుకుంటూ బ్రతికేస్తుందో అలా బ్రతకాలా లేక ఒక నిజమైన జీవితాన్ని జీవించాలో... అయినా పిల్లలకు మెరుగైన భవిష్యత్తు ఇళ్ల స్థలాల్లో, ఇళ్ళల్లో వుంటుందనుకోవడం పిచ్చి కాక పోతే ఇంకేంటి?